قاموس الكدب :ـ ـ عاوز الحق ولا ابن عمه = مقدمة لكذبة من الحجم العائلي .
ـ و ماكبتش خبر = عبارة لنفش العضلات وبداية كدبة ورسم بطولات ماحصلتش الا فى الخيال .
ـ انت لسة ماتعرفنيش كويس = بيقولها الواحد لما يحس انه اتبهدل واتمسحت بكرامته الأرض .
ـ الله يستر عليها = تتقال بعد نهاية كل قصة تم فيها نشر جميع بنات المنطقة و صديقتها على الحبل .
ـ والله مكانك كان فاضي و اتمنينا انك تكون موجود = تتقال لحرق اعصاب صاحبهم اللى فاته المشوار .
ـ بس انت بصراحة ماتزعلش منى = مصطلح يقال عندما يهيئوك نفسيا لسماع كلام سيئ ولكن بطريقة مؤدبة .
ـ بس ما تخليش فكرك يروح لبعيد = يعنى اعمل نفسك ماسمعتش كل البلاوى اللى حكتهالك .
ـ مش هطول عليك = جملة محشورة جوة قصة يزيد عدد كلماتها عن 10000000000000 كلمة .
ـ و احنا مالنا احنا = نهاية الحديث البايخ الذى كان بيتكلم فيه على غيره بما لا يخصه .
ـ الله كريم و ان شاء الله مش هقصر معاك = بعبارة اخرى انسى الموضوع . ـ انا و الله مش هاممنى = تدل على اهتمام المتكلم حتى الموت بالموضوع بس مدارى .
......lul0